ტომატი

Ხილია თუ ბოსტნეული? იმის მიუხედავად, რომ პომიდორი ბოტანიკური კლასიფიკაციით ხილია, ის მაინც ბოსტნეულად აღიქმება. Მართლაც, ტომატის წვენი გამოირჩევა შაქრის მინიმალური შემცველობით და გაჯერებულია სხვადასხვა ვიტამინებითა და მინერალებით, რაც მას ჯანსაღი რაციონის შეუცვლელ წევრად აქცევს. ტომატის წვენში დიდი რაოდენობით შემავალი ანტიოქსიდანტი, ლიკოპენი, პროსტატის კიბოს საწინააღმდეგო მოქმედებითაა ცნობილი. აღსანიშნავია, რომ კომერციული ტომატის წვენები ხშირად შეიცავენ დიდი რაოდენობით ნატრიუმის ქლორიდს, ანუ მარილს, ამიტომ მნიშვნელოვანია შევარჩიოთ ნაკლებად მარილიანი ვარიანტები.

Ბროწეული

იმის მიუხედავად, რომ შაქრებისა და კალორების შემცველობა ბროწეულის წვენში არც თუ ისე დაბალია, ის გაჯერებილია სასარგებლო ნივთიერებებით. მეტიც, ამ ჩვენთვის საყვარელი ხილის წვენის ანტოიქსიდანტური მოქმედება წითელი ღვინისა და მწვანე ჩაის ანტიოქსიდანტურ მოქმედებაზე გაცილებით ძლიერია.

თუ დღეში მხოლოდ ერთი ჭიქა წვენის მიღებას აპირებ, უმჯობესია ის საუკეთესო იყოს. Ბროწეულის წვენი კი ამ კრიტერიუმს ნამდვილად აკმაყოფილებს მაღალი კვებითი ღირებულებიდან გამომდინარე. 

ფორთოხალი

ფორთოხლის წვენი C ვიტამინის წყაროა. მუქი ფერის წვენებისგან განსხვავებით, როგორებიცაა მაგ., ბროწეულის, კენკრის, ალუბლის, ის არ გამოირჩევა მდიდარი ანტიოქსიდანტური მოქმედებით, თუმცა 100%-იანი ფორთოხლის წვენი ნაკლებ კალორიებსაც შეიცავს.

100%-იანი წვენები 

100%-იან წვენებში არ ხდება შაქრის დამატება - ისინი მხოლოდ ბუნებრივ ხილის შაქრებს შეიცავენ. ასეთი ტიპის წვენი ინტენსიური ხილის გემოთი გამოირჩევა და მდიდარია ვიტამინებითა და მინერალებით. იმ შემთხვევაში, თუ ნაკლებად მძაფრ გემოს ანიჭებ უპირატეობას და კალორიებსაც უფრთხილდები, შეგიძლია ის წყლით გააზავო და ისე მიირთვა.